سخافه شباب

طبعا مافيش بنت فيكي يا مصر إلا وتعاني من المعاكسات المستفزة والسخيفة اللي بجد
تحرق الدم ومافيش حاجة اسمها معاكسة لطيفة ومعاكسة سخيفة المعاكسة معاكسة
وهي بكل أنواعها وصورها اعتداء على استقلالية وخصوصية الآخر . . طبعا في أولاد
دلوقتي هيقولوا ما هو فيه برضه بنات بتعاكس الشباب . . حنقول . . حتى لو فيه ماهي
برضه من ضمن قلة الأدب .
المعاكسة ظاهرة قديمة لكن تطورت بتطور العمر اللي إحنا عايشينه . . ده طبعا بسبب
الهاي تك ، اللي بتحاصرنا في كل ناحية يعني ممكن تلاقي رسائل على الموبايل أو رنات
أو حتى مكالمات وكمان ممكن تلاقي شباب يعمل إنه بيلعب في الموبايل لكن بقصد
تصوير البنات .. وطبعا فيه معاكسات بكلكسات السيارات والمساحة والنور .. فعلا حاجة
غريبة وسخيفة وساقطه في مجتمعنا اللي عاش ينادي بالعادات والتقاليد اللي غابت عن
عقول شبابنا .. طبعا لازم نقول إن فيه قانون بيجرم المعاكسات يعني على حسب طبيعة
المعاكسة .
المعاكسات كمان بتفرق حسب طبيعة المكان بحكم البيئة والتركيبة الاجتماعية يعني
ممكن تلاحظ أنه في الأماكن الشعبية يعاكس الشباب البنات ب " بس بس انت يا " أو "
بصراحة أحلى واحدة اللي لابسه جزمة حمرا" وهكذا .
وممكن نلاقي في الأماكن الهاي شوية من ناحية الفلوس يعني مش من ناحية السلوك ..
البنت بتتعاكس بكلام مباشر أو يتريقوا على ملبسها وممكن كمان ينزل الشاب من عربيته
ويمشي بجانب البنت ويفتح أي حوار وكأنه فعلا عارف البنت حقارة طبعا .
أو يقول رقم موبايله بصوت عال أو يحاول يفهمها أنه مش بيعاكس ويسأل على عنوان
معين وكلها حجج مصطنعة لمحاولة مضايقة البنات وخلاص .. طبعا دلوقتي كمان ممكن
تلاقي رسالة إعجاب على الموبايل أو رسالة تهديد وطبعا مرسلة من على النت علشان ما
نعرفش مين اللي باعت . . أو تصور البنات وهما قاعدين في كافيه من الموبايلات وطبعا
يتباهى البيه إنهن صحباته والأنتيم كمان .
بس بجد يا شبا و يا بنات ايه رأيكوا فى اللى بيعمل كدا

بجد يا منه توبيك هايل
وانا بصراحه كنت بقول ف الاول ان البنات هيا اللي بتدي فرصه للولد انه يعاكسها عن طريق لبسها يعني وسلوكها
بس للاسف لقيت انه في شباب بيعاكس وخلاص زي ما يكون نازل من بيته عشان يعاكس
وانا الحمد لله مش من دول خالص وربنا يبعدنا عن السلوكيات دي يارب
اسف ع الاطاله
حكيم

اولا توبيك هايل بجد منه
ثانيا بقي فعلا في شباب رخمه جدا
في موضوع المعاكسه ده
وبيبقو فاكرين نفسهم فاني
.................بس هما بيبقو

معلشي اني طولت عليكم

مرسى ليك يا حكيم لردك
و انت بجد مواضيعك هايله
و بجد فعلا محدش فى احترام خالص

شكرا لدخولك الموضوع يا elamera
و فعلا دى مش خفه دم خالص دى قله ادب

موضوع جميل ويستاهل المناقشة
ومن رأيي اللي بيعاكس ده انسان غير محترم
واكيد ربنا هايردها في فرد من عيلته عقاب ليه
مشكورة علي الموضوع

مرسى لردك يا مراد و بجد ربنا هيحط اى حد من عيلته فى نفس الموقف
نورت المنتدى

شكرا لمرورك يا احمد و فعلا المعاكسه دى بقت عاده لمعظم الشباب ميقدرش يعيش من غيرها ممكن يجراله حاجه لو معاكس فى يوم

موضوع جميل يامنه اوي
وعموما الولد المعاكسات دي اصبحت حاجه مسلم بها كانوا بيقولول الينت الي بتجبر الولد انه يعاكسها
انما انا لاحظت انهم حتي بيعاكسوا المنقبه الي مش باين منها حاجه
معلشي علي الاطاله
شكرا ياجميل

مرسى ليكى يا ندى
صح والله بيعاكسو اى بنت تقابلهم
مفيش ادب ولا حياء خالص

ميرسي على التوبك بس لو في قانون او حتى ردفعل من البنت نقول البنت غلطانه عشان كده لازم يكون في احترام