يا عيني ع اللي حب ومطلشي

زمان وانا صغير كنت بعد العشا نروح ناخد الونسه عند خالتي حمده العميه ( يعني السهره) انا وراشد ابو رشيد والواد أبوسته ولد بطيخ والبنات دهيبه وكوثر وسعدات وبنات وعيال وكنا نقعد علي عتبت بيت خالتي حمده الكلام دا من 32 سنه وكانت هيه تجلس جوه البيت وحنا بره علي العتبه والباب مفتوح وتحكي وكانت بارعه في الحكي والسرد القصصي من الحكاوي الشعبيه وكانت تحكينا عن الشاطر حسن وأمنا الغوله وأبو رجل مسلوخه وكانت تقول لينا بصوا ياعيال في القمر كدا عرفين السواد دا اللي فيه هو ايه نقول ليها هو ايه ياخاله تقول راجل معاه حمار وبيملىء من الزير والزير تحت نخله .
وكانت تحكي لينا عن قصة الواد اللي حب بنت الراجل الفقير من البدو قالت كان في يوم من الأيام راجل فقير بدوي سكن في ارض الباشا من الأغنياء وفي يوم من الأيام ليه أبن جميل وأنيق وزين راح يشوط علي ارض أبوه وركب الحصان ومر شاف البنت الجميله دي ترعي الغنم وكانت بنت جميله جدا فنزل من حصانه وكلمها كلمتين فحبها وبعد كدا بقي يمر كل يوم لحد ما عرف ابوها ومنعها من الخروج وفي يوم جه أبن الباشا دور عليه موجدهاش راح لبوها عشان يتزوجها قاله أبوها يابني احنا ناس فقره ونتا بن باشا وابوك مريضاش وممكن يمشينا وممكن وممكن تصير في الأمور أمور ولازم تجيب والدك يخطبها راح لبوه وحكاله الحكايه فقام ابوه شتمه وبهدله وقام الباشا بعت تنين من رجالته ومشاهم وبهدلهم قام الراجل الفقير خد بنته ومشه بعيد قام ولد الباشا يدور علي حبيبته ويلف وبيكي عليها ويقول يا ليل ياعين علي اللي شاف حبيبي وميقليش وبقت حالته حاله ويقول ويمول اللي يشوف حبيبي الغايب يدلني عليه دا قلبي مولع عليه احلف بربنا الي يقلي فين لبوس رجليه وبقي بن الباشا مجنون هيمان في الشوارع وكل صبح ومسى يروح في مكان حبيبته ويستني كل يوم علي أمل ترجع ويتهنأ بيها لحد هنا تقول لينا روحوا ناموا وبكره أكملكم نيجي تاني يوم ونحن في اشتياق لتكملة القصة يللا ياخاله كملي تقووووول من كتر البكا الجميل داب وعيونه دبلت وجسمه أنسلى وتعب وفي يوم من الأيام مر ابوه لقيه ميت في المكان اللي كانت تسكن فيه حبيبته ويعني علي اللي حب ومطلشي

منقول

ياعينى
قصة حلوه
صعب عليا والله
بس يالا بقى معلش مش اول واحد ولا اخر واحد
يحب و ميطولش

منوراني والله
واكيد الحاج ده صعب علينا كلنا
جه ع الجرح بقي هههههههههه
ميرسي ليكي

قصة جميله بجد حكيم
وفعلا مش كل حب يبقي نهايته زي ما احنا عاوزين
وبرضو مش كل حب بيبقي حقيقه
منتظرين المزيد منك ان شاء الله

ميرسي للمرورك
منوراني والله

توبيك هايل يا حكيم
تقبل مروري

ميرسي ليكي يا قمر
منوراني

قصه هايله ياحكيم بجد انت عامل مجهود هايل يارب دايما كده

ربنا يخليكي يارب
وتنوري المنتدي علطول
ميرسي لمرورك

بجد القصه دى جميله ماهو معظم قصص الحب بتنتهى بنهايات دى بس ربنا يسامح باباه تقبل مرورى

ميرسي لمرورك
منوراني

baaaaaaaaaaaaaaaaaaaaaaaaaak

موضوع هايل صحبى

تمام يامعلم

تمام ياباشا
شكرا لمرورك

» بكي قلمي قبل ان تبكي عيني.................
» قول اللي ف نفسك
» شخصيتك وصفاتها من اللون الي بتحبه ....اللي يدخل يحدد اللون الي بيحبه