المذيعة:اسم حضرتك
المواطن:وائل هيثم.....احكي لنا شوية عن ايام
زمان...والنبي
ما تفكرتيش بايام العز....ايام الرخص.....ايام
الاحترام....طب دا انا مثلا فاكرمن
حوالي40-45سنة كده كان الواحد ياخد من ابوه المصروف
عشرة او 15جنيه في
اليوم وكانوا بيكفوا ومبيفتحش بقه...مش زي
دلوقتي.....الله يكون في
عوننا....دا انا فاكر ان عمري ما ناقشت بابي
هيثم الله يرحمه في المصروف......زمان الواحد كان محترم
في لبسه كان الولد لابس البادي
الكات والبنطلون النجر او الجينزالديرتي
المقطع وخلاص.....والبنت تلاقيها ماشيه باحترامها
لابسة الميني جيب والبادي الضيق او البادي
الاوستوماك والبنطلون الاسترتش وخلاص....لكن
لبس اليومين دول مايتوصفش....اجارك الله...زمان
المصاريف كانت محدودة.....فين ايام
ما كان كيلو اللحمة ب50جنيه بس....كانت ايام...وبعدين
زمان كانت ابواب البيوت بتتقفل
من بدري يعني الساعة 4الفجر كده وكان
الابهات ليهم شنة ورنة.....يعني ماتلاقيش
واحد بيعلي صوته على ابوه
ولا يمد ايده على امه.....غير لو زعقوله
وابتدوا معاه بالصوت العالي....زمان كنا
بنذاكرعلى الاغاني الطربية الاصيلة
زي بحبك يا حمار والعنب العنب العنب...لكن
اغاني اليومين دول لاليها طعم ولا لون
والكلمات بقت متبذلة ومالهاش
معنى.....طب بذمتك كده قارني بين مطربات
زمان زي الست روبي والست دانا والست هيفا......لكن
مغنيات اليومين دول بيعتمدوا
على جسمهم وعلى المسخرة......فين ايام الفن
الاصيل.....زمان كانت البنت لما تقابل
صاحبها اللي بقى لها كتير ماشفتهوش تبوسه
وخلاص...مش زي بنات اليومين دول قلالات
الادب........وبعدين زمان بصراحة
بقى كانت المذيعة تقعد قدام الضيف
او جنبه مش على رجله زي ماانتي عامله كده...
.المذيعة: قول للزمان ارجع يازمان