الكل يقول رايه

موضوع: الكل يقول رايه الخميس مارس 19, 2009 10:31 pm

اغلب البنات او كلهم بيفكروا فى فارس احلامهم اللى هيجى يخطفها على الحصان الابيض (او فى التوك توك الابيض يعنى حسب الحاله )
بس لما بنكبر شوية بنكتشف ان كل الكلام دا هبل وعبط
يعنى مفيش حد بيخطف حد دالواقتى
اناعن نفسى فارس احلامى فيه كل صفات الفارس النبيل
انتى بقى مواصفات فارس احلامك ايه
وللصبيان الحشرة اللى بتتدخل عالم حواء ياله مواصفات قتاة احلامك ايه
اقولوا بجد

تسلمى عطاء على الموضوع الجميل
انا بقي فارس احلامى يعنى مش مواصفات تعجيزيه
يعنى يكون يعرف ربنا ويكون امور وطبعا يكون بيحبني بجد وبيحترمنى
ويكون فيه شكل من توم كروز وليوناردو بي كابري او مهند مثلا
ومش فاكره الباقي دلوقت
بس بجد فكره حلوه تسلمى

مرسيي ليكي يا عطاء اسم ع مسما انا عجبني فكرة فارس الاحلام واهم سمة فيه انه يقدر الجوهرة الا بايده ويحافظ عليها اكتر من نفسه ودي لوحدها كفاية لانه هيتقي ربه فيها

ميرسي ع موضوعك دا ياقمر دا اولا
ثانيا بقي بلنسبه لمواصفات فارس احلامي انه يكون عارف ربنا وطبعا الصفه دي هتخلي فيه صفات كتيره حلوه انا عاوزاها منها انه يكون طيب وحنون ويحبني ويحافظ عليا ويكون التوينز بتاعي ويملي حياتي كلها قولوا يارررررررررررب

احدي الصبيان الحشره ههههههههههه

اولا انا بجد معجب بالموضوع ده يا عطاء
وعلي فكره ان يكون فارس الاحلام او بالنسبه للصبيان البنت اللي هيرتبط بيها
مش لازم يكون جميل قوي (انا طبعا مبحبش اتباهي بجمالي يا عطاء زي مانتي عارفه ههههههههههه)او شبه حد جميل قوي
اهم حاجه في الشخص ده الاحترام والتدين والطيبه اما الجمال مهما كان مطلوب فهوا مش اساسي (طبعا كل الناس هتقول مين الواد اللي متعقد من الجمال ده اكيد واد احول وشعره اكرت هههههههههه)لا بجد انا عاوز اوصل ان الرجاله مش بالشكل ولا البنت علي فكره
اهم شيئ الشخص ده من جوه عامل ازاي

حكيم
اللي له في الجبال علامات
شكراااااااااااااااااا

انا مراد
احدي الصبيان الحشره... برده
بداية موضوع جمييييييييييييييييل
اهم حاجة في البنت اللي عاوز ارتبط بيها اخلاقها واحترامها
ويأتي الجمال في المرتبة الثانية
ونفسي اكون فارس احلامها واجي اخطفها وانا راكب (حماري) الابيض
زي الافلام يعني
وشكراااااااااااااا

حلو اوى فكرة التوبيك
وفارس احلامى مواصفاته بسيطه يعنى مش تعجيزيه
اهم حاجه صلته بربنا
بعد كده اخلاقه وشخصيته
وبعدين انه يكون بيحبنى جداااااااااااااااااااا
ميزعلنيش ويقدر مشاعرى وميستهونش بيها ... يفهمنى
ويقدرنى ويضحى علشانى اووووووووى عشان بجد احس انه هو ده الانسان اللى اقدر اكمل معاه حياتى
بالنسبه بقي للجمال شخصيا مبحبش الولاد الحلوين يعنى نفسي يكون اسمر كده احس برجولته
بس هو ده اللى انا عاوزاه

اولا الموضوع حلو جدااااااااا
ثانيا الجمال عند الشباب بيكوا حاجه وحشه جدا لانه بيكون شايف نفسه زياده عن اللزوم ومفكر ان مفيش قبله ولا بعده
بس انا عن نفسي يوم ماهاجي اختار واحد عمر الشكل مايكون مقياس
يعني في حاجه اسمها حلاوه الروح والطباع والاخلاق ثم الاخلاق ثم الاخلاق ومليون خط تحت الاخلاق بقي ههههههههههه
ومش مهم يكون بيحبني حب جنوني يعني المهم يكون هو الي مختارني بس ويخاف عليه جدااااااااااااا ويغير غيره مجنونه كمان
شكرااااااااا للموضوع تسلمي ياعطااء

كلام جميل اوى الكل بيقول مش مهم الجمال بس ده مش صحيح مجرد كلامى
كل ولد بيتمنى يخطب بنت حلو واعرف ناس كتير كده وبعد كده يقولولك بكره نخليها تتغير وتباه مؤدبه
قال يعنى هو اللى هيربيها بصراحه انا عن نفسى مش عايزه اكتر من واحد بيخاف ربنا
لانه لو حبنى هنعيش سعده وحتى لو مش هيحبنى هيراعى ربنا فيا

والله يا عطاء أنا كنت داخله بس حب إسطلاع أشوف بس
الكلام المكتوب

تعرفوا أنا وصلت لنقطه مهمه جدا
إن مافيش حد هنا
مادي خالص
يعني كل إلي عيزينه واحد طيب وابن حلال
من غير بقى الزفه إلي حوليه
يعني لا عربيه
ولا شقه 25قوده
ولا رصيد في البنك
ومفيش حد هنا جاب سيرة
السوليتير
ولا شبكه 100 ألف
ده غير طبعا إلي بعد الجواز
ولا أي حاجه
والله البنات طلعوا طيبين

أه فكروني بالمقولة إلي بتتقال
لما بيجي ولد يتقدم لبنت
وأبوها بقوله
إحنا بنشتري راجل يابني
رغم يعيني هو إلي بيتبهدل
وهو إلي بيطلع عينه من الأخر

أنا في رأي لازم الراجل
المصري ياخذ جايزة نوبل
من إلي بيشوفوا في البلد دي

» حصريا اغنيه عيد الام(ست الكل)
» يقول الجاحظ
» حصريا وقبل الكل لعبة Pro Evolution Soccer 2010 demo بحجم 889 ميجا