سؤال للبنات

عندى سؤال للبنات ومحتاج لاجابته ؟!
كلنا عارفين ان نسبة العنوسة بين البنات فى مصر بقت ملحوظة فى الفترة الاخيرة لاسباب كتيرة ، لحد ما وصلت لاكثر من 2 مليون فتاة عانس ..
و سؤالى : بعد دا لو يوم اتقدم لك انسان أقل منك مثلا فى المستوى التعليمى أو المادى ممكن تقبلى ها ممكن ولا لاء ؟؟

انا فى انتظار ردودكن ..

محمد

انا لا اعتقد

لا مستوى تعليمي اقل ولا مستوى مادي اقل

لان يعتبر عشت مستوى مادي عالى مش ممكن اتأقلم مع الي اقل منه

يكفي اني متأقلمه على مستوى المعيشة بمصر


تحياتي
**أسمى**

سؤال حلو اوووي علي فكره واحنا البنات بنسالوا لنفسنا كتير
بس انا رايي بصراحه لو اقل مني في مستوي التعليم مش هتفرق كتير لان الوقتي الدبلومات مثلا تفكيرهم العقلي بقي احسن
من ناس كتير كليه بس بالنسه للمستوي المادي المهم انه يقدر يعيشني من غير مانطلب حاجه من حد مش لازم يعني يعشني في مستوي خيالي
وفي الاخر برده بقول ان الفلوس مش كل حاجه ولا التعليم اهم حاجه الاخلاااااااااق بجد هي الي هتفضل معااااهم
شكراااااااااا للتوبيبك

لاءسؤال جامد فى الجون واحنا فعلا احيانا بنساله لنفسنا ولغيرنا كتير الاهم من الماده والمستوى التعليمى الاخلاق والطباع دا الاهم لان فى ناسكتير بتبقى دكاتره بس تفكير اللى متعلمش خالص احسن منهم اهم حاجه ان العقل نفسه يكون متفتح اما بالنسبه للمستوى المادى مفيش فقير بيفضل فقير طول عمره ولاغنى بيفضل غنى طول عمره والشخص لو على خلقيبقى اى حاجه تانيه تهون دى وجهة نظرى

ع فكرة مش شرط المستوي التعليمي روح الانسان هي الجوهر
ولو بجد انسان بيقدر وبيعرف قيمة الا بايده
هيكون انسب من انه يكون مستوي تعليمه عالي
روح الانسان بصراحة هي جوهره مش تعليمه
وده رايي وشكرا ع السؤال ده

انا متهيالى ان الفلوس مش كل حاجة لانى ممكن اخد واحد غنى وتحصلة مشكلة ويخسر كل فلوسة اهم حاجة الاصل والتربية طبعا ويراعى ربنا فيا

جميل يا محمد موضوعك
انا لو اتقدم ليا حد اقل منى و انا بحبه هوافق عليه طبعا بس اهلى مش هيوافقوا طبعا

لا طبعا يا محمد لانو بعد كده هيحس انه اقل منى حتى لو انا مش قاصده ابينله ده وبالتالى هيحصل مشاكل احنا فى غنا عنها ومش هنستمر مع بعض

feedback

اولا :عاوز اشكركو على نشاطكو وتفاعلكو البناء دا كل راى منكو كمل واضاف جديد للصورة او للموضوع بشكل غير عادى ومنتج
وثانيا : الحقيقة الموضوع دا كتبته تاثرا من حكاية واحدة زميلتى سألتنى نفس السؤال وهيا محتارة تعمل ايه
ثالثا : بين الموضوع دا كبير اوى ونا مكنتش واخد بالى والدليل ان صداه لسة مستمر من خلال التعليقات لحد دلوقت

اظهر امتنانى لكل اللى مروا " بلسم الحرية ـ همس الندى ـ همسة حالمة ـسندريلا ـ بيوتى انجيل ـ سهر الليالى ـ مونتى ـ منة ـ ليلى ـ نهى "

وفى الاخر عاوز اقول برافووووووووو عليك يا احمد يا حسينى انتا وحكيم اللى له فى الجبال علامات ومراد ابو ضحكة جنان علشان جددوا كتير فى المنتدى بس لسة عاوزين اكتر رغم ان السنة انا خلصت بس اتمنى التواصل معاكو يدوووووووووم