يوميات احمد سعد

هتنجح يعنى هتنجح يا احمد ياسعد!!!!!!

ده أحلى يوم في حياتي..يوم الامتحان..عارفين ليه؟؟ عشان ده اليوم اللي ببخ فيه الإجابة في الورقة بعد ما قعدت أحشي المعلومات في دماغي طول أيام المذاكرة المخنقة..لبست هدومي..وقبل أن أخرج من باب البيت..نظرت إلى الكتاب..

وقولتله: وربنا..وربنا ما حذاكرك تاني..

ثم ذهبت إلى اللجنة مسرعاً وأنا سعيد إني خلاص حفضي دماغي من مادة كاملة- طبعاً ده إن نجحت فيها إن شاء الله-وصلت إلى مكاني في اللجنة..وبعد أن جلست وزعوا علينا ورقة الإجابة..وطبعاً زي كل الشعب..سطرت الورقة وجهزتها للفرم اللي حيحصلها..وفجأة!!!!!!

وزعوا علينا ورقة الأسئلة..نظرت إلى الامتحان وأنا لا أصدق نفسي..يا حومتي!!!..إيه ده يا واد يا جمعاوي .. معقول .. هو ده امتحان؟؟ .. مش ممكن!! .. ده امتحان محصلش في الأرجنتين.. -متسألوش اشمعنا الأرجنتين؟طبعاً عشان بحب ديفيد بيكهام- لقيت الورقة..عجيبة..غريبة..كالآتي

الاسم:اكتب اسم الحاجة أمك :........... .. رقم موبيلك:........... ....

الإيميل:........... ......... السيبر المفضل:........... ...

السؤال الأول:اختار من بين الأقواس الكلام الصح:

1- حنان ترك اتحجبت يعني............ (لبست جزمة - لبست ساعة - لبست ايشرب)

2- اللي بنى هرم خوفو............ ..(طلعت مصطفى - المقاولون العرب - مقاول عادي - خوفو)

3- اللي بنى..بنى مصر كان في الأصل......(حلاق - نجار - تاجر مخدرات - السيد - حلواني)

4- البرنامج اللي بيجي ع القناة الأولى كل يوم الساعة 7.00 صباحاً ومحدش بيتفرج عليه

برنامج..صباح الخير ............ (يا ماما - يا بابا - يا خالو - يا ريس - يا مصر)

5 - مصر هى أمي نيلها جوا...........(بطني - رجلي - جيبي - دمي)

6- رئيس مصر القادم السيد......(جمال مبارك - جمال مبارك - جمال مبارك - كل ما سبق)

السؤال الثاني:أكمل الجمل الآتية بكلام م الآخر:

1- انتبه من فضلك السيارة ترجع إلى............ ......... ...
2- ماما زمنها............ .......

3- من خلال تجاربك السابقة...البامبرز استيك منه............ .

4- طلعت أدّب نزلت أدّب لقيت الدب بيأزز............

5- اسم والد اللاعب وائل جمعة الحاج............ ..

السؤال الثالث:ضع علامة NIKE أو علامة غلط أمام الكلام الجاي:

1- بابا فين؟؟ ..بابا هنا..قوله مين؟؟ قوله عمو ( )

2- الشرطة دائما في خدمة الشعب ( )

3- اللي بيته من سيراميك ميحدفش الناس بالبلاط ( )

4- شاي الجوهرة حتة سكرة ( )

5- يحكم مصر النظام الملكي ( )

"ملحوظة:لو معرفتش سؤال ابقى طلع البرشام اللي معاك يا احمد ياسعد غش براحتك..كده كده هتنجح يا احمد ياسعد عشان تحرم تقول لكتاب المادة بتاعتي كده..ماشي يا احمد ياسعد!!!! "

قريت الورقة وأنا في اسبهلال تام..فركت عيني مرة وأتنين..والورقة زي ما هيا..قريت الملحوظة اللي في آخر الورقة تاني.. وتالت ..وأنا مش مصدق إن الدكتور كاتبلي ..ماشي يا احمد ياسعد ..ماشي يا ابوسعد-..أنت يا وااااااااااد يا احمد يا سعد قوم بقى..عشان تروح الامتحان-استيقظت من نومي..ثم نظرت حولي..إيه ده أنا لسه في البيت مرحتش اللجنة..الحمد لله كنت بحلم..ووجدت الكتاب جنبي ع السرير..فأخذته في حضني وقولتله...يا لهوي يا كتاب..بحبك يا كتاب.. بموت فيك يا كتاب.. بعشقك يا كتاب .. مقدرش أعيش من غيرك يا كتاب ..هو أنا ليا بركة ألا انت يا كتاب.

هههههههههههههههههههههههههه
جامد يا احمد و الله
فنى موووووووووووووووت
استمر

بجد فنان وعندك موهبه جامده وياريت تستمر وتسعدنا

ههههههههههههههههههههه
طعم وظريف ثقوي الامتحان ده
ده انا جاوبته من غير ما اذاكر شوف بقا الشطارة Very Happy

ههههههههههههه
انتا تنفع مؤلف جااااامد
خيالك ماشاء الله
ويارب انا وانتا نفتح ورقة الاسئلة ونلاقي مكتوب كده في الاخر
يارب

جامد والله ياريت فعلا يجيلى امتحان كده ده انا انجح ع الطول من غير مذاكره و ارف اخر شهر دى

هههههههههههههههههههههههه
عسل والله يا احمد
بجد موضوع رووووووووووووووووووعه
واجمل سؤال هوا((رئيس مصر القادم السيد......(جمال مبارك - جمال مبارك - جمال مبارك - كل ما سبق))
وعوزين مواضيع من دي اكتر
مشكووووووووووووووور
[ندعوك للتسجيل في المنتدى أو التعريف بنفسك لمعاينة هذه الصورة]

اية الجمال والخيال الواسع دة
طيب منتا الموهبة متاصلة عندك اهووووة
لية بتضحك عليا وبتقولى انها بتيجة مع الدراسة
شكلك هتخلينى صحفية فشلة هههههههههههههههههة

» يوميات احمد سعد رقم 3 ......مسشتفى اخر حاااااااااااااااجة
» يوميات احمد سعد رقم 5.................ز لو انت جدع تقول واحدة منهم؟
» يوميات احمد سعد رقم 3 .......أمشى يا بنت كلام للرجالة وبس
» يوميات احمد سعد رقم 2 اتحكم فى اى بنت ب50 قرش فقط .....العرض سارى حتى نفاذ الكمية
» يوميات مفقوع جدا