الى كل بنت عند شراء الشبكة((شبكة حبنا))

معاد خطوبتك قرّب وخلاص كلها كام يوم وتنزلي تشتري الشبكة؟..

نفسك حد يساعدك؟ ويقولك على إيه الجديد في موضة الشبكة؟ وخصوصا موضة الدبل؛ لأن مفيش وقت إنك تنزلي وتلفي وتشوفي في المحلات إيه اللي نازل جديد..

ولا يهمك من أي حاجة

لأننا لفّينا بدل منك،
وجمعنا لك كل اللي
أنت عايزه تعرفيه
وكل ما هو جديد

يلا نتفرج مع بعض
معاد خطوبتك قرّب وخلاص كلها كام يوم وتنزلي تشتري الشبكة؟..

نفسك حد يساعدك؟ ويقولك على إيه الجديد في موضة الشبكة؟ وخصوصا موضة الدبل؛ لأن مفيش وقت إنك تنزلي وتلفي وتشوفي في المحلات إيه اللي نازل جديد..

ولا يهمك من أي حاجة
طوول ما قمر 14 موجود
لأننا لفّينا بدل منك،
وجمعنا لك كل اللي
أنت عايزه تعرفيه
وكل ما هو جديد

يلا نتفرج مع بعض

أكيد أي بنت مِن وهي صغيرة بتحلم باليوم اللي هتروح فيه الصاغة هي وأهلها والشخص اللي هيخطبها علشان تجيب الشبكة...

وطبعًا في اليوم ده بتنزل معاكي "مامتك" و"مامته" و"إخواتك" و"إخواته"، وكل واحد يقعد يختار على ذوقه.. "مامتك" تختار على ذوقها، و"مامته" تختار على ذوقها... وأخته تختار... وأختك تختار...

وكل واحد بكلمة.. طيب يا ترى إنت دورك إيه في الموضوع ده كله؟؟؟

طبعًا ساعتها بتبقي مش عارفة تعملي إيه؟ ولا عارفة تردّي، ولا عارفة تتكلمي، وفي الآخر ممكن تختاري أي حاجة حتى لو مش عجباكي علشان ترضيهم والسلام..

وعلشان كل الكلام ده ما يحصلش، ويتحقق لك حلمك اللي نفسك فيه، عايزة أقولك على نصيحتين اتنين وبس؛ علشان الموضوع يعدي بسلام..

وهما:

النصيحة الأولى
اتفقي مع خطيبك

يا ريت تقعدي مع خطيبك في اليوم اللي قبل ما تنزلوا تشتروا الشبكة، وتتكلمي معاه براحة وبهدوء شديد جدًّا..

وتسأليه -مثلاً- عن المبلغ اللي هو مستعد بيه للشبكة علشان لما تروحي تختاري تبقي تختاري في حدود المبلغ ده، ودي حاجة مش عيب، واوعي تزعلي لو قال لك على مبلغ بسيط؛ لأن الشبكة دي حاجة رمزية، وبكرة -إن شاء الله- يجيب لك حاجات تانية أحسن.

يا ريت برضه تتكلمي معاه، وتقولي له: إن دي حاجة بتاعتكم إنتم الاتنين، ولازم إنتم الاتنين تختاروها على ذوقكم مش على ذوق أي حد تاني، واطلبي منه إنه يفهّم "مامته" النقطة دي، وأنت كمان فهّمي "مامتك" النقطة دي.

النصيحة التانية
خليكِ ذوق

وإنتم في المحل اسأليه باستمرار إذا كان ده مناسب ولا لأ.. واحترمي اختياره وذوقه حتى لو اختار حاجة مش عجباكِ، حاولي ماتبينيش ده بشكل مباشر، وقولي له: الله.. حلو قوووي ذوقك، بس إيه رأيك في ده؟ أعتقد إنه أحلى!!!!

تسلم ايدك يا حبيبتي
بس انا بصراحه مش بحب موضوع ان العروسه هي الي تنزل تختار شبكتها
اصل هي هديه من العريس يجيب الي يجيبه بقي وعلي ذوقه كمان ومش عايزم يجيب ميجيبش كمان بس هو ييجي هههههههههههههه
مشكووووره ياحبيبتي

» اهم شئ فى الشبكة ((دبلة حبنا))