اه منك يا كلمة اه

اه مستعد أضحى علشانك
اه بقيت حاسس بالخوف وانتا مش معايا
اه أنا حاسس انى ضايع من غيرك
اه بموت فى اليوم ميت مرة
اه واحشنى ونفسى اطمن عليك
اه مستعد أضحى علشانك

اه نفسى بيك احتمى من لوم الناس والزمن
اه نفسى ارجع لك تانى واضمك فى حضنى والمس ايديك
اه مش قادر أعيش من غيرك وحياتى بعدك عذاب
اه انتا فارقت بس صدقنى مافى يوم غيبت عن بالى
اه واجعنى بعادك عنى ومش هرتاح الا لما اشوفك
اه مستعد أضحى علشانك

اه يمكن بدارى حزنى جوايا وبضحك أما بشوف الناس
اه كتير بكون معاهم لكن مش معاهم لانى بكون معاك وبكلمك وبشوفك قدامى فى كل مكان
اه بتكلم لكن فى كلمتى انكسار
اه بضحك لكن ضاعت منى فرحتى لانك كنت أحلى ما فى دنيتى
اه مستعد أضحى علشانك .. علشان ما تتهنى وتسعد وعلشان أحب دايما تفتكرنى بالخير
اه مستعد أضحى علشان ما أكونش أنانى فى حبى وعلشان تعرف قد ايه صدق اللى جوايا
اه مش يمكن أقابلك فى زمان تانى ويكون من نصيبنا نتجمع فى مكان واحد وفى قلب واحد

حبيبى أفرح لرؤيتك سعيدا مرتاحا فى حياتك ، لا تثقلك الهموم ولا تثنيك العقبات .. فكن دائما كما رأيتك طائرا حرا لا تنتقى سوى أطيب الثمر .. وزهرة مميزة بعطرها الذى لا يماثله عطر زهرة أخرى .. ونسمة هواء تنساب برقة بين البشر وبسمة رقيقة ويد حانية ..