بوس اللى يعجبك

واحد بيوصل خطيبته لبيت اهلها , المهم اول ما وصلوا راح عمك ده راكن كتفه على الحيطة قدام باب العمارة وقال لها :
- عايز بوسة كبيـــــــــــــرة وانا امشى
البنت قالت له : لا عيب بابا يزعل
خطيبها قال لها : ليه هو ابوكى شايفنا دلوقتى ؟
قالت له بدلع : لا .. بس فى جيران ممكن يشوفونا ويقولوا لبابا.
قالها: ما أنا مش ماشى إلا لما آخد البوسة بتاعتى

المهم فضلوا على كده كتير .. هو ساند على الحيطة مش عايز يعديها .. وهى تقلانة عليه مش عايزة تدى له البوسة
شوية كده وبنت صغيرة نزلت من العمارة . طلعت الأخت الصغيرة لخطيبة الواد , فتحت باب العمارة وقالت للولد :
- ازيك يا عمو ... بابا بيسلم عليك وبيقول لك لو هى مش راضية تبوسك انا ابوسك
لو أنا مش عاجباك ... ممكن اختى التانية تبوسك
لو اختى التانية مش عاجباك ... ممكن ماما تبوسك
ولو ماما مش عجباك ... ممكن بابا نفسه يبوسك
بس علشان خاطرى اوعى كتفك من على جهاز الإنتركم علشان العمارة كلها سمعتك يابن المفضوحة