افتح لى قلبك

افتح لى قلبك
يمكن متعرفش قدر حبى ليك .. يمكن تحس انى مش الشخص اللى أناسب لك بس صدقنى حاجات كتير مبقدرش أعبر لك عنها سواء قدام الناس أو
لما بكون معاك ويمكن وقتها ودا احساسى بحس انك بتشوفنى واحد جاف وأفقر للعاطفة من أصله أوتشوفنى بشكل مش واضح وان الحاجة اللــى
جوايا ليك كانت مجرد كلام قلته فى لحظة حماس ويمكن مخليك كمان تخاف منى .. بس يمكن الظروف أو المكان اللى احنا فيه مش مخلينى قــادر
أوصلك قد ايه أنا محتاجلك أوى وعايزك معايا نبدأ طريقنا سوا ونكمل بعض .. دا مش كلام وبس ، لأنى عارفك وحسك ومقدر كيــانك كله اللى
خلانى اتشد ليكى انتى بس، كيانك اللى غير فيا حاجات كتير وخلانى أشوف الحاجات كويس ..وجودك جوايا جمل حياتى ورد لى روحى بـجــد بجــد
لاقيت نفسى فيك..صدقينى الكلام يمكن ميعبرش عن كل اللى جوايا ليكى ويمكن دا خلانى أوقات أخاف أحلم انك ممكن تقبلينى فى يوم من الايام وخوفنى
أكلمك من زمااان لأنى عارف ان مش أى حاجة بتعدى عليكى أو بتتصدق بسهولة .. بس مش عارف أقـولك ايـه ياترى دى خيبـتى انى مش قادر أوصل
لك قد ايه وجودنا مع بعض طول العمر زى علاقة النبتة الخضرا بالمية أو حاجة البشر والمخلوقات للهوا .. مش كلام أو حلم وبس لكن دا مشــوار حيـاة
مش عاوز أقولك مقدور عليها لأنى والله عارف ان تفكيرك وعقلك أكبر من كدا بكتير لكن ممكن أقولك ان بدايتنا أكيد ان شاء الله صح ومفيهــاش حماس من
غير عمل ولا سعى ..

يارب تحس بيا وتفكر ولو مرة تفتح قلبك ليا .. دى دعوتى فى كل وقت بقولها وأنا جوايا اصرار كبير مش عارف سره ايه بس لسة عندى أمل.